Muurbal

Muurbal het in 2008 'n amptelike sport by Diamantveld geword en daar is 'n lewendige belangstelling in die sport. Die skool beskik nie oor eie muurbalbane nie. Die leerders skakel by die nabygeleë Pirates Muurbalklub in en oefen daar.

Rudo Botha, 'n oudleerling, is die afrigter van DHS se spanne en sy ervaring as provinsiale speler is baie waardevol vir ons spelers.

DHS het twee seunsspanne en een dogterspan in die Kimberley Senior Liga ingeskryf en hulle speel weekliks ligawedstryde teen ander spanne.

Altesaam nege van ons spelers is vir die Noord-Kaap span gekies en hulle het aan die Junior SA Platteland Toernooi in Bloemfontein deelgeneem. Tydens die toernooi het PG Brand 'n toekenning vir uitnemende sportmanskap ontvang en Stefan Steyn het vir deursettingsvermoë 'n toekenning gekry.

PG Brand is vir die O/16 SA Platteland span gekies en hulle neem in Junie aan die nasionale toernooi in Oos-Londen deel.

In 2009 het DHS sewe en in 2008 vier verteenwoordigers in provinsiale spanne gehad.

Provinsiaal Onder 19 Stephanie Potgieter
Provinsiaal Onder 16 V.l.n.r.: Lourens van Niekerk, Meyer Meintjes