Atletiek

Algemeen

Die atletiekseisoen skop elke jaar met die Kleurebyeenkoms af waar drie kleurspanne (Ligblou, Geel en Donkerblou ) teen mekaar kragte meet. In ‘n gesonde gees van deelname en ondersteuning, neem man en muis gewoonlik aan hierdie byeenkoms deel. Die afgelope 4 jaar is die Kleurebyeenkoms ‘n middag–aand byeenkoms op die De Beersstadion. Na afloop van die aflosse, kry die matrieks geleentheid om ‘n ererondte af te lê; ‘n geleentheid wat ware Diamantveld-trots weerspieël. Hierdie geleentheid het al dikwels trane in die oë gebring.

 Die atlete kry geleentheid om dwarsdeur die jaar by die Atletiek-akademie van Diamantveld te oefen. Die resultate van so ‘n gedissiplineerde oefenprogram is gewoonlik sigbaar wanneer die atletiekseisoen aanbreek. Dan presteer Diamantveld se atlete baie goed by byeenkomste in die Vrystaat, Oos-Kaap en Noordwes en Pretoria.

Diamantveld Uitnodigingsbyeenkoms

Diamantveld se atlete presteer so goed dat daar altyd ‘n behoefte bestaan om meer geleenthede vir deelname en plaaslike blootstelling te skep. Die Diamantveld Uitnodigingsbyeenkoms is ‘n hoogtepunt op die Noord-Kaap atletiekkalender. Alle naburige hoërskole vanaf Upington, De Aar, Kuruman en tot sover as Brackenfell In Kaapstad, Outeniekwa van George, Bonnievale, Krugersdorp, Klerksdorp is gereelde deelnemende skole. Die hoë standaard van van hierdie byeenkoms verseker dat ander skole graag aan hierdie byeenkoms deelneem.

 Die Uitnodigingsbyeenkoms is al ‘n jaarlikse instelling en word gewoonlik die tweede Saterdag  in Februarie  gehou. Volgende jaar word die byeenkoms op 15 Februarie 2014 gehou. Groot pryse is op die spel en daar is kategorieë vir groot skole (meer as 500 leerders) en medium/klein skole (minder as 500 leerders).

 Ruim borgskappe is dringend nodig om die Diamantveld Uitnodigingsbyeenkoms vir 2014 aan te bied. Indien u bewus is van  ‘n persoon of instansie wat gekontak kan word om die byeenkoms in 2014  te borg, kontak asb. vir  Wilmo Vermeulen – Atletiekakademie  Voorsitter  (0824949943), Jaco Smit – Atletiekorganiseerder (0829587786) of Ina Olivier – Bemarking (0824403303).

Die 2013 Atletiekseisoen

Die 2013 atletiekseisoen het ‘n paar hoogtepunte vir Diamantveld gehad.   Op 26 Januarie het 20 van ons atlete aan die Hoërskool Klerksdorp se byeenkoms deelgeneem en 9 rekords vebeter. Ruan Willemse het die trofee vir die beste 0/16 baanatleet ontvang met sy prestasie van 10,6 sekondes in die 100m. Jeanne Smith het die trofee vir die beste O/14 veldatleet ontvang vir haar prestasies in hoogspring en gewigstoot.  Ons verower  hier 9 goue medaljes.

 Op 9 Februarie 2013 neem ons skool aan die “Top 20”-atletiekbyeenkoms in  Hartswater deel en wen die byeenkoms. Weer verower ons atlete twee trofees vir die Beste Baanatleet (Ruan Willemse) en  Beste Veldatleteet (Janke Steenkamp). Ons Dogters aflosspan wen ook hul item in ‘n nuwe rekordtyd.

Noord-Kaap kampioenskap

Tydens die NoordKaap kampioenskap op 2 Maart 2013  presteer ons atlete weer uitstekend. Diamantveld atlete verower 4 van die 12 trofees  by die byeenkoms. Denecke Prinsloo  vir beste 0/15 veldatleet, Jean-Marie Vermeulen as beste 0/15 baanatleet. Janke Steenkamp as beste 0/ 17 veldatleet. Ruan Willemse verower die trofee as die beste 0/17 baanatleet.

 Sestien van Diamantveld se atlete word gekies om die provinsie te verteenwoordig by die Suid-Afrikaanse Kampioenskap.

SA Atletiekkampioenskap op 22 – 23 Maart 2013 in Oos-Londen

Tydens hierdie kampioenskap verower Diamantveld atlete 5 silwermedaljes:

  • -   Jean-Marie Vermeulen in die 100m en 200m vir D/15 sowel as die 4x100m aflos vir D/19
  • -   Marmari Pienaar was ook deel van die 4x100m aflosspan D/19
  • -   Ruan Willemse kry sy silwermedalje vir verspring S/17
  • -   Alwina Malherbe behaal twee 4de posisies in die 400m en verspring vir D/19
  • -   Gerco Nortje behaal die 6de plek in die spiesgooi vir S/17 en
  • -   Arno Cloete ook ‘n 6de plek in die 400m vir S/15
  • -   Bethanie du Raan (D/17) en Janke Steenkamp (D/17)is ook onder die beste 10 atlete in hul onderskeie items van skyfwerp en spiesgooi.

Vyf van ons atlete word na die S.A.Kampioenskap genooi om in die  Amerika (VSA) aan die Penn’s Relay byeenkoms in Philadelphia deel te neem. Die atlete was Alwina Malherbe, Bethanie du Raan, Janke Steenkamp, Ruan Willemse en Gerco Nortje. As gevolg van kort kennisgewing, visums en finansiële probleme, kon hierdie atlete nie na Amerika vertrek nie.

Tydens die laaste helfte van die 2013-seisoen het ons atlete ook aan die volgende byeenkomste deelgeneem:

  • Grey–Oranjebyeenkoms (Bloemfontein): 13 medaljes
  • Cradock se Top 10: DHS eindig derde uit 56 skole met  18 medaljes

Jim Fouché  byeenkoms (Bloemfontein):  19 medaljes

OEFENTYE:  Maandae tot Vrydae 16:30 – 18:15

                                AFRIGTERS

Naellope & Aflosse

Mnr. Wilmo Vermeulen & Jacques Kruger

Hekkies

Mnr. Wilmo Vermeulen

Verspring

Mnr. Wilmo Vermeulen

Middelafstande

Mnr. Jaco Smit

Gewigstoot

Mnr. Gys Smit

Spiesgooi

Mnr. Marco van der Linde & Mev. Frankie Steenkamp

Diskus

Mnr. Gys Smit

Hammergooi

Mnr. Marco van der Linde & Mnr. Gys Smit

Hoogspring

Mnr T. Senekal & Mnr. Janus Schutte

 Navrae:                  Mnr Jaco Smit    -  Atletiekhoof. Skakel: 053 – 8331528/9

                                 Mnr  Niel Marais - Sportburo.     Skakel: 053 – 8331529

Top 20 Atletiekspanwenners
Rudolf Greyling